Borba prsa u prsa: Boban Rajović nikada nije htio u “Grand”, a sada je progovorio o Saši Popoviću

 

Pjevač Boban Rajović prošao je sito i rešeto dok nije postao popularan. Koliko god to bilo naporno, on nikada nije želio da bude dio “Grand produkcije”, iako je bio svjestan da bi tako brže i lakše napredovao.

Imajući u vidu i izjavu Saše Popovića da 95 posto pjevača ne može da uspije bez “Granda”, ali da je Rajoviću to pošlo za rukom, Boban je otkrio zašto nikada nije htio da sarađuje sa ovom diskografskom kućom.

– Hvala Popoviću na priznanju, znači kada jedan uspješan čovjek to kaže. Postoji tu vjerovatno još nekoliko imena koja su uspješna bez “Granda”, ali se moj put i borba razlikuju od njihovih. Karijeru sam počeo u vrijeme kada nije bilo interneta i društvenih mreža. Pritom, živio sam u dvije države i imao troje djece koje sam morao da odgajam sa suprugom. Za mene nije bilo prostora na TV, osim ako ne platim, a novca nisam imao. Bio sam sam u ovom gradu, a kolege koje su bile popularne tada su mi tražile mnogo novca da bi snimile duet sa mnom. To je bila borba prsa u prsa, ali danas sam zahvalan bogu što je tako išlo.

– U Danskoj sam vozio taksi, ali sam radio i svašta drugo. Ljudi danas kapiraju stvari skroz pogrešno. Ne volim neradnike i izviguze. Ako si mangup, moraš da budeš spreman na sve. Ja sam bio spreman da preselim porodicu u Beograd i nisam se pokajao nijednog momenta – objašnjava Rajović za Kurir.

Source link

Be the first to comment

Leave a Reply

Your email address will not be published.


*